CORPUS exercendi

CORPUS exercendi

varii modi apud Veteres viguêre. Et quidem, ut de exercitationibus Gymnasticis nil iam dicam, ut de quibus infra: observant Eruditi, Veteres in exercendo corpore, etiam extra morbi necessitatem, volutâsse se super candente arena, ut corpus ferendo calori assuefacerent; contra, ut ad tolerandum frigus id praepararent, vel in nive se versâsse, vel statuas nive obductas nudos fuisse amplexatos, uti de Diogene Cane apud Laert. l. 5. c. 23. de Antiocho Cilice Philos. Cynico, castra Severi Imperatoris secuto, apud Suidam, legimus, reprehendente morem hunc gravissimô Auctore Epicterô, apud Arrianum, Dissert. l. 3. c. 12. Vide infra in voce Harena: et hanc in rem plura apud Casaubon. ad August. Suetonit, c. 81. uti de more veterum Britannorum corpus glasto tingendi, infra: inscribendi, voce Inscripti.